Actualité

LA TER LE SAKRE

icon-volcan

La rishès la Rényon, sé la tèr
Cette terre, c’était la richesse de La Réunion

 

Kan nou la komansé, nou la komans dann kane avan, sé sa minm, nétway kane, é dépy kane, arash zèrb dann kane, mèt la tèr avèk, plant kane, té koup kane, nou té fé somans kane kan té i koup. Kan la koup té tou lé zan, té lès in parti po replanté. Apré té koup ali par né.

Quand on a commencé, j’ai commencé dans la canne : nettoyer la canne, enlever sa paille, arracher les mauvaises herbes dans les champs, y rajouter de la terre, planter la canne, la couper et enfin faire la semence lorsque nous coupions la canne. Chaque année, lors de la coupe, on laissait une partie pour replanter.  Après, on coupait la canne par nœud.

 

Ba apré, ariv in laj, ou koné la tantasyon lé la, paské ou la anvi gard touzour la rishès la tèr la. Ba, ma lans amwin la dédan, ma lans amwin dan la kiltir, zanimo, é ma reprann inti pé pli o. Avan té sony dé pti kabri, mé té sony pa bonpé, lo rishès té plis poul, kanar, bin é kabri, navé pwin tro, mé té sonye dé pti , koshon bonpé, sété zafèr té utiliz bonpé la Rényon. E mwin la lans amwin plis dann kabri, bèf, poul, kanar.

 Arrivé à un certain âge, la tentation est là car on a toujours envie de garder la richesse de cette terre. Alors, je me suis lancé. D’abord dans l’agriculture et dans l’élevage et je me suis installé un peu plus haut. J’avais quelques cabris mais ma richesse, c’était les poules, les canards, pas beaucoup de cabris, beaucoup de cochons. C’étaient des animaux que l’on mangeait beaucoup à la Réunion. Et j’ai continué dans l’élevage de cabris, bœuf, poules et canards.

 

Kabri, ma mont ziska in santène, é koshon ma fé innti lélvaz in trantène, é poul bonpé, parkont poul san frontièr, dé fwa navé trwasan, désan, té fé batay kok.

Des cabris, j’en ai eu jusqu’à une centaine, des cochons une trentaine et puis les poules et les canards, impossible à compter. Parfois, trois-cents, d’autres deux-cents. On faisait des batailles de coqs.

 

Té vann vivan, té vann pluto po domoun refé la repoduksyon.

On les vendait vivants, on les vendait plus pour la reproduction.

 

Bin la tèr tradisyonèl, la tèr lé sakré, rèst sin, la tèr ou … koman dir aou sa… ou utiliz pa kom zordi prodwi shimik i twé la tèr, zinsèk néna plis, mé avan la tèr té sin, navé pwin bonpé zinsèk paské nou té travay ali avek tout bann plantasyon, ou wa, navé brinzelié, tousala, ou té utiliz ali, té aroz kiltir avek, navé pwin prodwi shimik. Fé zinsèk li té tout plantasyon té i sèrv po grinn zinsèk, mé té détrwi pa lo zinsèk, paské nou néna bozwin de li.

Ben la terre traditionnelle, elle est sacrée, elle reste saine, ou, …comment dire…on ne s’en sert pas comme aujourd’hui, avec des produits chimiques, en la tuant. Des insectes, il y en plus. Avant, il y en avait moins, tout simplement parce qu’on travaillait ensemble, en harmonie. On travaillait avec telle plante, il y avait le « bringellier » par exemple, avec lequel on arrosait les cultures. Pas de produit chimique. Certaines plantes attiraient les insectes, on ne les détruisait pas car on avait besoin d’eux aussi.

 

La maladi néna zordi, avan navé pwin tout maladi la, AVC tousala, nou navé pwin paské nou té utiliz nout tizane tousala, bann zerbaz, la baz zerbaz té i plant, ou wa plant médisinal po la grip, po tout, po la po, lo vant. Navé tousa, mé apré domoun zordi la pèr rod out tizane dann zèrb paskékan ou ariv koma lo boug la fine mèt dézerban la vèy, é landmin domoun la larg sa, lavé pèr ali, ou wa, ki la ginye, sé bann doktèr la èk bann kashé la, mé i aranz pa la situasyon.

On voit que les gens se rendent compte qu’avant il n’y avait pas toutes ces maladies, comme l’AVC. Cela n’existait pas car on avait nos tisanes, nos herbages. On plantait la base des plantes médicinales pour la grippe, le ventre, pour tout. Oui, il y avait tout cela. Aujourd’hui, les gens ont peur de chercher une tisane ou une herbe à bouillir car par exemple peut-être, ils pensent que quelqu’un peut avoir mis du désherbant sur les plantes. Ils ont peur de s’empoisonner. Du coup, qui est gagnant, c’est le docteur avec ses cachets mais cela n’arrange pas la situation.

 

I fo ésèyé arèt inpé viv dann la sosyété zordi, i fo reviv nout sinplisité. Si nou reviv sa, bin la tèr li revyin gayar minm po kréol wa, po tout domoun alor, in bon manzé sin.

Il faut essayer de quitter cette société de consommation, il faut revivre notre simplicité. Si on arrive à retrouver cela, la terre redeviendra correcte, pour tous, une nourriture saine.

 

Sé sa, i fo i mèt la min ansamn épi i fo arèt konsome bann zafèr i sor déor, vu nou néna tout sir nout tèr, navé tout avan, zordi nou pé remèt ali an plas.

C’est cela, il faut être solidaire, s’entraider et arrêter de consommer des choses qui viennent de l’extérieur dans la mesure où on a tout ce qu’il faut ici. Aujourd’hui, on peut tout remettre en ordre.

 

 

Kozé : Jean-Fred LENCLUME- Etang Salé les Hauts
Lékritir, tradiksyon : Nadia SINTOMER
Septembre 2019

 

Jean-Fred LENCLUME, né le 7/03/1970 aux Avirons.
Planteur éleveur à Etang Salé Les Hauts.
Issu d’une famille d’agriculteur, il pratique la plantation depuis l’âge de 13 ans
en respectant et préservant la pratique traditionnelle
de l’élevage et de la plantation de la Réunion.